Ўзбекистон яна бир истиқболли спортчини маҳаллийлаштирди

Бу ҳақда теннисчининг ITF расмий сайтидаги профилида ҳам маълум қилинди. Никита Белозерцев 2008 йил 28 ноябрь куни Украинанинг Хмелницкий шаҳрида дунёга келган. У айни пайтда ўсмирлар ўртасидаги жаҳон рейтингида 13-ўринни эгаллаб турибди. Ўтган йили 16 ёшида у Сербиянинг Куршумлий шаҳрида бўлиб ўтган ITF М15 турнирида биринчи профессионал чемпионлик титулини қўлга киритган.

Аввалроқ Белозерцев Болгария фуқаролигини ўзгартириши мумкинлиги хабар қилинганди. Ўтган йили ўсмирлар ўртасидаги Уимблдон мусобақасидаги иштирокидан кейин Никита Россиянинг "Чемпион" нашри мухбирининг саволларига украин тилида жавоб беришдан бош тортган эди.

Эслатиб ўтамиз, ўтган йили уч нафар россиялик теннисчи - Мария Тимофеева, Камилла Раҳимова ва Полина Кудерметова Ўзбекистон фуқаролигини қабул қилганди.