18 та имкониятдан 7 та лицензия. Спорт курашларида яна лицензия қўлга кирита оламизми?

Турнир якунига кўра, 4 нафар спортчимиз лицензия қўлга киритишга муваффақ бўлди. Бунгача эса яна 3 нафар ҳамюртимиз 2023 йили Белградда ўтказилган жаҳон чемпионатида Париж Олимпиадаси чипталарини нақд қилганди.

Олимпия ўйинларида умумий ҳисобда 18 та вазн тоифасида медаллар жамланмаси ўйналади - эркин кураш (6 та), юнон-рум кураши (6 та) ва аёллар кураши (6 та). 

Иккита лицензион турнир якунига кўра, Ўзбекистон спорт курашлари терма жамоаси ҳозирга келиб 7 та йўлланма қўлга киритган. 11 та вазн тоифасида эса лицензиямиз ҳозирча йўқ. Энди Париж Олимпиадаси йўлида сўнгги имконият - 9-12 май кунлари Туркиянинг Истанбул шаҳрида ўтказиладиган жаҳон лицензион турнири ҳисобланади. Терма жамоамиз аъзолари айнан ушбу турнирда лицензиялар учун курашишади. 

Бугунги кунга келиб лицензия қўлга киритилган ва қўлга киритилмаган вазн тоифалари: 

Эркин кураш:

-57 кг: Ғуломжон Абдуллаев

-65 кг:

-74 кг: Бекзод Абдураҳмонов

-86 кг: Жавраил Шапиев

-97 кг: 

-125 кг: 

Юнон-рум кураши:

-60 кг: Исломжон Баҳромов

-67 кг: 

-77 кг: Арам Варданян

-87 кг: 

-97 кг: Рустам Ассакалов

-130 кг: 

Аёллар кураши:

-50 кг: Актенге Кеунимжаева

-53 кг: 

-57 кг:

-62 кг: 

-68 кг: 

-76 кг: 

Фактлар:

- Ўзбекистон Токио Олимпиадасида 8 та лицензия қўлга киритганди (4 та эркин кураш, 4 та юнон рум кураши).

- Бу сафарги Олимпия ўйинларида аёллар кураши баҳсларида ҳам иштирок этамиз. Актенге Кеунимжаева ўзбек спорти тарихида илк бор аёллар кураши бўйича Олимпиадада қатнашади.

-Спорт курашлари бўйича Париж Олимпиадасига энг кўп лицензия қўлга киритган мамлакатлар: Япония (13та), АҚШ (13та), Эрон (11та), Куба ва Миср (10тадан). 

-Индивидуал нейрал атлетлар (Россия ва Беларусь) 19 та лицензияга эга. 

Азиз Тўхтамуродов тайёрлади