04 апр 07:09
Янгиликлар

Теннис

18 ёшли Алькараз Майамини забт этди

Икки ҳафта давомида АҚШнинг Майами шаҳрида ўтказилган "Мастерс" сериясига кирувчи нуфузли турнир якунига етди.

Ҳал қилувчи финал учрашувида ATP рейтингида 16-поғонадан жой олиб турган испаниялик 18 ёшли Карлос Алькараз дунёнинг 8-ракеткаси, норвегиялик Каспер Руудга қарши кортга чиқди.

Бир юз ўн дақиқа давом этган баҳсда Карлос рақибини 7/5, 6/4 ҳисобида мағлуб этиб, Майами "Мастерс" бош совринини қўлга киритди. Учрашув давомида Алькараз 6 та, Рууд эса 5 та эйс зарбасини ижро этди.

Теннисчиларнинг ўзаро ўтказган иккинчи учрашувида ҳам испаниялик иқтидор эгаси ғалабага эришди. Алькараз икки ҳафталик меҳнати эвазига 1000 рейтинг очкоси ҳамда 1,231,245 доллар мукофот пулига эга чиқди.