02 апр 13:49
Янгиликлар

Теннис

18 ёшли Карлос Алькараз амалдаги чемпионни мағлуб этиб, финалга чиқди + ФОТО

АҚШнинг Майами шаҳри мезбонлик қилаётган мавсумнинг иккинчи "Мастерс" турнири якуний паллага кирди.

Жаҳоннинг 16-ракеткаси, испаниялик Карлос Алькараз турнирнинг ярим финалида АТР рейтингида ўнинчи ўринни эгаллаб турган польшалик Хуберт Гуркачга қарши кортга чиқди. Муросасиз ўтган баҳсда Алькараз турнирнинг амалдаги чемпионини 7/6, 7/6 ҳисобида мағлуб этди ва мусобақа финалига йўл олди.

2 соату 5 дақиқа давом этган учрашувда 18 ёшли Алькараз учта, 25 ёшли Гуркач эса ўн учта эйс зарбасини амалга оширди. Спортчилар бирор марта брейк қайд этишмади ва тўпни ўйинга киритишда ҳам хатога йўл қўйишмади. Бу теннисчиларнинг ўзоро биринчи расмий учрашуви эди.

Алькараз Miami Open финалида норвегиялик Каспер Руудга қарши баҳс олиб боради.