16 янв 16:49
Янгиликлар

Теннис

18 ёшли Мирра Андреева фаолиятидаги бешинчи WTA финалига чиқди

Дунёнинг саккизинчи ракеткаси бўлиб турган россиялик теннисчи Австралиянинг Аделаида шаҳрида ўтказилаётган WTA 500 тоифасига кирувчи турнирнинг финалига йўл олди.

У рус дербисида ватандоши Диана Шнайдерни ортиқча қийинчиликсиз мағлубиятга учратди - 6/3, 6/2. Шнайдер WTA рейтингида 23-ўринни эгаллаб турибди. Бу теннисчиларнинг ўзаро ўтказган иккинчи учрашуви бўлди - 2:0.

Саксон беш дақиқа давом этган 1/2 финал баҳсида Андреева 3 та эйс зарбасини амалга ошириб, 5 та брейкка эришди ва 5 та қўшхатога йўл қўйди. 18 ёшли Андреева WTA турнирларидаги ўзининг бешинчи финалида ўйнайди. Унинг рақибаси канадалик 19 ёшли Виктория Мбоко бўлади.