19 ёшли Кори Гофф US Open 2023 ғолибаси ФОТОГАЛЕРЕЯ

Бу 19 ёшли Коко учун фаолиятидаги илк "Катта Дубулға" чемпионлиги бўлди. Гофф ҳал қилувчи финал учрашувида дунёнинг иккинчи ракеткаси бўлиб турган беларуслик Арина Соболенкони уч сет натижасига кўра мағлубиятга учратди - 2/6, 6/3, 6/2.

Икки соату 6 дақиқа давом этган баҳсда Гофф 2, Соболенко 4 та эйс зарбасини амалга оширди. Қўшхатолар Аринада биттага кўпроқ бўлди - 6 га 5. Брейкларда эса Гофф устунлик қилди - 5 га 4. Теннисчиларнинг ўзаро учрашувларида америкалик пешқадамлик қиляпти - 4:2. 

Кори Гофф мавсумдаги тўртинчи, фаолиятидаги олтинчи совринини қўлга киритди. Америкалик иқтидор эгаси Нью-Йоркдаги икки ҳафталик меҳнатидан 2000 рейтинг очкоси ва 3,000,000 АҚШ доллари миқдоридаги мукофот пули ишлаб олди. Вице-чемпиони Соболенко эса 1300 очко ва 1,500,000 долларга эга бўлди.