19 ёшли Ямаль "Барселона"нинг 91 йил сақланиб турган рекордини янгилади

Бу воқеа Испания Ла Лигасининг 3-туридан ўрин олган, каталонияликлар "Райо Вальекано"ни 5:2 ҳисобида мағлуб этган ўйинда юз берди.

Дубль муаллифига айланган Ламин клубнинг афсонавий собиқ ҳужумчиси Хосеп Эсколага тегишли бўлган ва 91 йил давомида сақланиб келган рекордни янгилади. Эскола 1935 йилда 20 ёш ва 356 кунлигида кўк-анорранглилар сафида 50 та гол маррасига етган эди. Ўшандан бери ушбу натижага фақат аргентиналик Лионель Месси энг яқин келган, бироқ у 50 та гол маррасини 21 ёш ва 120 кунлигида забт этган. Рекорд ўрнатилган пайтда Ямаль 19 ёш 49 кунлик эди.

Испания чемпионатидаги учта ўйиндан сўнг "Барселона" тўққиз очко жамғариб, турнир жадвалида биринчи ўринни эгаллаб турибди.