17 янв 12:39
Янгиликлар

Бокс/ММА

2025 йилда энг кўп маош олган спортчилар Топ-30`талиги эълон қилинди

Шимолий Американинг нуфузли Sportico нашри 2025 йилда энг кўп маош олган спортчилар рўйхатини тақдим этди.

Ушбу рўйхатни португалиялик Криштиану Роналду бошқариб турибди. Саудия Арабистонининг "Ал Насср" клуби етакчиси 2025 йилда 260 миллион доллар маош олган. Бу суммага футболчининг реклама ва ҳамкорлардан оладиган пули киритилмаган.

Рўйхатнинг иккинчи поғонасидан мексикалик боксчи Сауль "Канело" Альварес 137 млн доллар билан жой олган. Аргентиналик афсона Лионель Месси кучли учликда - 130 млн.

Рўйхатнинг Топ-30`талигида Сауль Альваресдан ташқари фаолиятини мағлубиятсиз якунлаган америкалик Теренс Кроуфорд (№21, маоши — $ 66 млн), япониялик Наоя Иноуэ (№25, маоши — $ 62 млн) ва америкалик блогер-боксчи Жейк Пол (№30, маоши — $ 60 млн)ни кўриш мумкин.

2025 йилда энг кўп маош олган спортчилар Топ-10:

1. Криштиану Роналду (футбол) - 260 млн.

2. Сауль Альварес (бокс) - $137 млн.

3. Лионел Месси (футбол) - 130 млн.

4. Хуан Сото (бейсбол) - $129,2 млн.

5. Леброн Жеймс (баскетбол) - $128,7 млн.

6. Карим Бензема (футбол) - 115 млн.

7. Стефен Карри (баскетбол) - $105,4 млн.

8. Сёхэй Отани (бейсбол) - $102,5 млн.

9. Кевин Дюрант (баскетбол) - 100,8 млн.

10. Жон Рам (гольф) - $100,7 млн.

Эслатиб ўтамиз, Роналду 2024 йилда ҳам худди шундай маош билан ушбу рейтингда етакчилик қилганди. Иккинчи ўринни Стефен Карри (153,8 миллион доллар) эгаллаган бўлса, кучли учликни бокс афсонаси Тайсон Фюри (147 миллион доллар) якунлаб берганди.