2025 йилнинг сўнгги UFC турнири асосий жангида нокаут қайд этилди

Оқшомнинг асосий жанги энг енгил вазн тоифасида ўтказилди ва унда Брэндон Ройвал Манель Капега қарши октагонга чиқди. Бу ҳамюртимиз Рамазон Темиров жангларини ўтказадиган вазн тоифаси ҳисобланади. 

Кутилган жанг узоқ давом этмади. Португалиялик 32 ёшли аралаш яккакураш устаси Мануэль Капе биринчи раундда америкалик 33 яшар Брэндан Ройвални техник нокаутга учратди. У жанг якунланиши биланоқ ўтган ҳафта осонлик билан чемпионлик камарини қўлга киритган мьянмалик Жошуа Ванга "вызов" ташлади. У февраль ойидаёқ жанг қилишга тайёрлигини айтди. 

Маълумот учун, Мануэль Капе (ҳақиқий исм-шарифи Мануэль Педру Гомеш) UFC энг енгил вазн тоифаси рейтингида олтинчи, Ройвал эса иккинчи ўринни эгаллаб турибди. Бу Капенинг кетма-кет қўлга киритган учинчи ғалабаси бўлди. Брэндон Ройвал эса аксинча, қаторасига иккинчи мағлубиятини қабул қилиб олди.