13 янв 12:54
Янгиликлар

Бокс/ММА

21 яшар рус боксчиси Баҳодир Жалоловни жангга чорлади (ФОТО)

Россиялик чарм қўлқоп устаси, IBA тасарруфидаги Жаҳон чемпионати ғолиби Давид Суров ҳамюртимиз Баҳодир Жалолов билан жанг қилиш истагини билдирди.

"Мен Жалоловдан реванш олишни истардим. Лекин ҳаваскор боксда бундай бўлиши эҳтимолдан йироқ, агар профессионал боксда имкониятим бўлмаса. Бу тўқнашув қизиқарли бўларди! Ҳозирча ҳаваскордаги фаолиятим мен учун устувор вазифа. Биз бош мураббий Олег Меншиковнинг қарорини бошланғич нуқта сифатида қабул қиламиз. У нима деса, шундай бўлади. Имкони бўлса, у билан Олимпиадада жанг қилиб, ғалаба қозониш қизиқарли бўларди", деди Суров.

Давид 2024 йил июнь ойида ўз юртида ташкил этилган БРИКС ўйинларида Баҳодир Жалолов билан тўқнаш келиб, очколар ҳисобига кўра имкониятни бой берганди.