31 май - Велосипед спортининг "туғилган куни"!

Парижнинг Сен-Клу шаҳарчасида 2000 метр масофага дастлабки велопойга ташкил этилган. Ўша мусобақада англиялик Ж.Мур ғалаба қозонган. 

Ўшанда велоспортчилар турли ҳажмдаги ғилдиракларга эга велосипедларда иштирок этишарди. Ўша мусобақа иштирокчиларга шу қадар ёқдики, келаси йили Париж - Руан йўналишида 120 километрлик дастлабки халқаро шоссе велопойгаси ташкил этилади. Ўша мусобақада ҳам яна Ж.Мур ғолиб бўлади. Пойгаларда хаттоки икки нафар аёл иштирокчи ҳам қатнашган. 

1875 йили эса "катта" велосипед учун жаҳон рекорди ўрнатилади - 34 км/соат. Орадан бир йил ўтиб узоқ масофага пойга бўйича биринчи норасмий рекорд қайд этилади - 1 соат учун 25,508 километр тезлик. Расмий рекорд эса 1893 йилга бориб қайд этилади. Ўшанда франциялик Дегранж 32,32 км/соат натижа кўрсатган. 

Ўшандан буён узоқ вақт ўтди. Спортчилар профессионал ва ҳаваскорларга ажратила бошланди. Бир неча янги жаҳон рекордлари ўрнатилди, велосипед ёрдамида турли трюклар бажарила бошланди. Велоспортга бўлган қизиқиш кўпайса кўпайдики, асло камаймади. 

Бугунги кунда велоспорт оламидаги энг нуфузли мусобақа 1903 йилда ташкил этилган "Тур де Франс" ҳисобланади. Ушбу мусобақада қатнашишни ҳар бир велоспортчи орзу қилади. 

Ўзбекистон велосипед спорти федерацияси матбуот хизмати