04 сен 17:30
Янгиликлар

Таэквондо

4 сентябрь - "Бутунжаҳон таэквондо куни"

Теглар : Таэквондо

Бундан 25 йил олдин, 1994 йилнинг 4 сентябрь куни Халқаро Олимпия қўмитаси ўзининг Париждаги сессиясида Таэквондо WTF спорт турини расман Олимпиадага қабул қилинганини эълон қилди.

2000 йил Австралиянинг Сидней шаҳрида ўтган Олимпиада ўйинларида илк бор таэквондочилар қатнашишган. 2006 йил Вьетнам пойтахти Хошимин шаҳрида Бош Ассамблея томонидан 4 сентябрь санасини "Бутунжаҳон таэквондо куни" деб эълон қилган. Шундан буён ҳар йили ушбу санада таэквондо куни байрам қилинади.

Бугунги кунда Ўзбекистонда 20 мингдан зиёд спортчи таэквондо билан шуғулланиб келмоқда. Кўплаб таэквондочиларимиз Жаҳон ва Осиё чемпионатларида олтин медалларга эришишган. Август ойи бошида Тошкентда кадетлар ўртасидаги Жаҳон чемпионати юқори савияда ўтказилди. Унда ўзбекистонлик Зафарбек Каримов юртимиз таэквондоси тарихида илк бор кадетлар ўртасида Жаҳон чемпиони номига сазовор бўлди. Мана шу Жаҳон чемпионати вақтида юртимизга Бутунжаҳон таэквондо Федерацияси президенти Чунгвон Чой ташриф буюрди ҳамда Тошкентда ташкил этилган таэквондо тарихидаги энг йирик флешмобда иштирок этди.

Ўзбекистон таэквондо WTF ассоциацияси барчани "Бутунжаҳон таэквондо куни" муборакбод этади!