40 ёшида ўзининг учинчи Олимпиадасида иштирок этган Рустам Ассакалов фаолиятини якунлади

Рустам шу вақт мобайнида Ўзбекистон терма жамоаси номидан учта Олимпиадада (Рио-2016, Токио-2020 ва Париж-2024) иштирок этди. У ўзининг 40 ёшида илк бор Олимпиада совриндори бўлиши мумкин эди, бироқ бронза медали учун кечган беллашувда жароҳат олди ва фаолиятини шу тарзда якунлашга мажбур бўлди.

Рустам Ассакалов Ўзбекистон терма жамоси сафида икки карра Жаҳон чемпионати совриндори (Лас-Вегас-2015 кумуш, Нур-Султон-2019 бронза) бўлди. Осиё ўйинларида уч маротаба ғолиб ва совриндорга айланди. Шунингдек, уч карра Осиё чемпиони ва тўрт карра совриндорга айланишга улгурди. Баку-2017 ва Конья-2021 Ислом бирдамлик ўйинларида бронза ва олтин медалларини қўлга киритди.

Унинг Ўзбек юнон-рум кураши ривожига қўшган беқиёс ҳиссаси учун миннатдорчилик билдирамиз!