49 ёшли Оксана Чусовитина — "Мени 2028 йилги Олимпиадада кўрасизлар деган умиддаман"

У бунга қадар 8 та Олимпия ўйинларида иштирок этган.

Аввалроқ, ҳамюртимиз Россиянинг Новосибирск шаҳрида ўтказилган "Евгений Подгорний хотира турнири"да ғолиб чиққан эди.

"Бу жароҳатдан кейинги илк мусобақам эди, ғолиб бўлганимдан хурсандман. Умид қиламанки, сиз мени кейинги Олимпия ўйинларида кўрасиз. Дастлабки мақсадим – 2026 йилда бўладиган Осиё ўйинларида қатнашиш. Албатта, Олимпиадада ўзимни синаб кўрмоқчиман, аммо ҳаммаси ҳолатимга боғлиқ бўлади. Агар ўзимни яхши ҳис қилсам, Олимпиадага йўлланмани қўлга киритишга умид қиламан. Олдинда ҳали уч йил бор, шунинг учун айтишга ҳали эрта", деди Чусовитина.

Маълумот ўрнида, Лос-Анжелесдаги ёзги ўйинлар 2028 йилнинг 14-30 июль кунлари бўлиб ўтиши режалаштирилган. Мусобақа бошланганида Чусовитина 53 ёшга тўлади.