Осиё чемпионатининг финалига 9 нафар боксчимиз чиқди!

19:58. Шу тариқа Осиё чемпионатининг ярим финал жанглари ўз ниҳоясига етди.

19:55. Баҳодирга финалда қозоғистонлик Қамишбек Конкабаев рақиблик қилади. Ашаддий рақиблар тўқнашуви!  

19:42. Икки спортчи ўртасидаги фарқ фақатгина бўйда эмас, балки маҳорат бобида ҳам сезилиб қолди. 1-рануддаёқ техник нокаут ва Жалолов финалда. 

19:41. Ҳакам ҳисобни очди...

19:39. Боксчилар ринег марказига таклиф қилинди ва жанг бошланди. 

19:36. Баҳодир Жалолов ўзига ишонч, улкан хотиржамлик билан рингга кўтарилди. 

19:35. Ҳамюртимиз қизил бурчакдан жой олади. 

19:25. Яна бироздан сўнг сўнгги вакилимиз Баҳодир Жалолов суриялик Муҳаммад Мулаесга қарши рингга кўтарилади.

19:18. Яна бир ғалаба азизлар! Ғиёсовни ҳам финалда кўрадиган бўлдик. 

19:14. Шахрам Ғиёсов одатдагидек жуда фаол.

19:06. Рингга Шахрам Ғиёсов чиқиб келди, унга эронлик спортчи қаршилик кўрсатади!

19:03. Жанг якунланди. Ғалабааааа!!! Иқболжон ҳам финал йўлланмасини қўзлга киритди.

18:57. Мухлисларга ёқадиган жанг бўлаётганини таъкидлаш лозим. Ҳар икки спортчи ҳам фаол жанг олиб бормоқда.

18:51. Жанг бошланди!

18:50. Рингга ҳамюртимиз Иқболжон Холдоров чиқиб келмоқда

18:48. -64 кг вазн тоифасидаги илк финалчи моғулистонлик Чинзонг Батаршух бўлди. Агар Холдоров ғалаба қозона олса финалда айнан унга қарши рингга кўтарилади.

18:35. Бироздан сўнг Иқболжон Холдоров қозоғистонлик Бекдаулат Ибрагимов билан жанг қилади. 

18:31. Ҳасанбой Дўсматов кетма-кет иккинчи маротаба Осиё чемпиони бўлиш учун моғулистонлик Ган Эрдене Ганхуянгга қарши жанг қилади.

18:16. Рефери Ҳасанбой ғалаба қозонганини эълон қилди. Яна бир финал йўлланмасини кўлга киритдик. 

18:15. Жанг якунланди ва Амит негадир қўлларини баланд кўтарганча хурсандчилигини намойиш этди. Ким билади дейсиз, балки у нокаут бўлмаганидан шунчалик шоддир. 

18:13. Ҳасанбойдан ажойиб зарба ва рақиб сал қолса, мувозанатни йўқотай деди.

18:10. Иккинчи раундда меҳмон спортчи ҳам ўзига келгандек, лекин вақти-вақти билан Ҳасанбой кучли зарбалар беришни тўхтатмаяпти. 

Биринчи раунд якунланди ва унда ўзбекистонлик спортчи фаолроқ ҳаракат қилди.

18:05. Ринг маркази, умуман устунлик тўлиғича вакилимиз томонида.

18:04. Ҳасанбой бошлади! Мухлислар Ўзбекистон деб бақираётганда Дўсматов бир уриб рақибини йиқитди қўйди.

18:02. Хиндистонлик Амитни мухлислар жуда "чиройли" кутиб олишди. Хинд спортчиси ким мезбонлигини баҳс бошланмасдан билиб олди.   

18:00. Рингга вакилимиз Ҳасанбой Дўсматов чиқди! Арена ларзага келди! 

17:58. Мухлислар Ўзбекистон, Ўзбекистон дея хайқиришмоқда! Атрофга назар ташлар экансиз, бирорта бўш ўриндиқни топишингиз мушкул вазифа. Ажойиб атмосфера! Яна бир неча дақиқадан сўнг рингга Ҳасанбой Дўсматов кўтарилади!  

17:40. Ҳасанбой Дўсматовнинг жанги бошланишига 20 дақиқа вақт қолди. "Ўзбекистон" спорт мажмуаси эса мухлислар билан тўлиб бўлди!

17:20. Бокс бўйича Осиё чемпионати ҳақидаги хабарлардан шунингдек Телеграмдаги каналимизда ҳам кузатиб боришингиз мумкин бўлади > > > https://t.me/olamsport

17:00. Айтганча, бугун спортчиларимиз ўтказган барча жанглар видеолари сайтимизга жойланди. Кўрмаганлар томоша қилиб олишлари мумкин :)

16:24. Ҳозирча финалларга 5 та йўлланмамиз бор. Нима деб ўйлайсиз, кун якунларига кўра ушбу кўрсаткич нечани ташкил қилар экан?

16:20. Энди кечки дастурда яна 4 нафар боксчимиз рингга чиқиши режалаштирилган. Улар:

Ҳасанбой Дўсматов

Иқболжон Холдоров

Шаҳрам Ғиёсов

Баҳодир Жалолов

16:09. Санжар Турсуновни мағлуб этган Василий Левит эсингиздами? У суриялик рақибини мағлубиятга учратиб финал йўлланмасини қўлга киритди.

16:00. Бектемир Мелиқўзиев финалда Қозоғистон вакили Ерик Алжановга қарши жанг қилади.

15:52. Рио Олимпиадаси кумуш медали соҳиби Бектемир Мелиқўзиев хитойлик рақибини нокаутга учратди! ЯНА БИТТА ФИНАЛ! БУГУНГИ КУН ҲИСОБИДАН ИККИНЧИ НОКАУТ!

15:47. Бектемир Мелиқўзиев рингга чиқди.

15:43. Исроил Мадримов қозоғистонлик Абилхон Аманкулни мағлубиятга учратди ва финалга йўл олди. Ажойиб!

15:28. Яхшиии! Элнур Абдураимов ҳам хитойлик рақибини мағлуб этди ва финал йўлланмасини қўлга киритди. У финалда Ҳиндистон вакилига қарши жанг қилади.

15:24. Вакилимиз жангни яхши  ўтказмоқда.

15:18. Элнур Абдураимовнинг жанги бошланди.

15:15. Олимпиада совриндори ютқазиб қўйди. Финалга ҳиндистонлик боксчи йўл олди.

15:02. Рингга Олимпиада совриндори, Моғулистон вакили Отгондалаи Доржинабму чиқиб келди. У ҳиндистонлик Шива Тапага қарши жанг қилади.

15:00. Қозоғистон терма жамоасида иккинчи мағлубият. Қаират Ералиев хитойлик Жиавеи Жангга ютқазиб қўйди. Айнан Хитой вакили финалда Муроджон Аҳмадалиевга қарши рингга чиқадиган бўлди.

14:54. Ўзбекистонлик боксчи иштирокидаги навбатдаги жанг тахминан 20 дақиқалардан сўнг Элнур Абдураимов иштирокида бўлади. У финал йўлланмаси учун хитойлик Жун Шанга қарши рингга чиқади.

14:50. "Кака"нинг финалдаги рақиби Хитой ёки Қозоғистон вакили бўлади.

14:43. Кутилганидек Аҳмадалиев рақибини иккинчи раундда нокаутга учратди! Қойил! Яна битта финал!

14:40. Аҳмадалиев кореялик рақиб билан жангда яққол устунлик қилмоқда. Нокаут кўрамиз шекилли!

14:34. Ана энди рингга Муроджон Аҳмадалиев чиқиб келмоқда.

14:33. Латипов финалда жанубий кореялик рақибга қарши жанг қиладиган бўлди.

14:23. Айни пайтда рингда Филиппин ва Жанубий Корея боксчилари ўзаро ҳисоб-китобни амалга оширмоқдалар. Ушбу жанг ғолиби финалда Жасурбек Латиповга қарши жанг қилади.

14:17. ҒАЛАБААА! Латипов 3:2 ҳисобида рақибини мағлубиятга учратди! Илк финал! Ғалаба муборак!

14:09. Вакилимиз жангни ажойиб ўтказмоқда.

14:03. Куннинг дастлабки жанги: Рингга Жасурбек Латипов чиқиб келмоқда.

13:55. Бугун бўлиб ўтадиган жангларда қуйидаги спортчиларимиз иштирокидаги жангларни кўришимиз мумкин бўлади:

Жасурбек Латипов (Ўзбекистон) – Азамат Исакулов (Қозоғистон)

Муроджон Аҳмадалиев (Ўзбекистон) – Ёнхун Хан (Жанубий Корея)

Элнур Абдураимов (Ўзбекистон) – Жун Шан (Хитой)

Исроил Мадримов (Ўзбекистон) – Абилхан Аманкул (Қозоғистон)

Бектемир Мелиқўзиев (Ўзбекистон) – Жябин Хуан (Хитой)

Ҳасанбой Дўсматов (Ўзбекистон) – Амит (Ҳиндистон)

Иқболжон Холдоров (Ўзбекистон) – Бекдаулет Ибрагимов (Қозоғистон)

Шахрам Ғиёсов (Ўзбекистон) – Сажжад Козимзодапоштири (Эрон)

Баҳодир Жалолов (Ўзбекистон) – Муҳаммад Мулаес (Сурия)

13:50. Ассалому алайкум қадрли бокс ишқибозлари. "Ўзбекистон" спорт мажмуасидан матнли-онлайн трансляцияни бошлаймиз. Бугун сизлар учун Азиз Тўхтамуродов жанг саройидан спортчиларимиз иштирокидаги жангларни матнли-онлайн трансляция қилиб боради.