Билол Муҳаммад ACBJJ билан шартнома имзолади

Турли йўналишлардаги жиу-житсу ва грэпплинг баҳсларини ташкил этишга ихтисослашган Лига америкалик жангчининг ростерга қўшилганини расман эълон қилди.

Ҳозирда 37 ёшли Билол Муҳаммад UFC'да икки мағлубиятли серияни бошидан кечирмоқда. У аввал чемпионлик жангда Жек Делла Маддаленага ҳакамларнинг якдил қарори билан имкониятни бой берган бўлса, эҳтимолий даъвогарлик мақомини белгилаб берувчи тўқнашувда Иэн Мачадо Гаррига ҳам очколар ҳисобига кўра мағлуб бўлган эди.

Шунга қарамай, америкалик спортчи UFC ярим ўрта вазн тоифаси рейтингида бешинчи ўринни эгаллаб турибди. У келаси ҳафта UFC Fight Night турнирининг марказий жангида бразилиялик Габриэл Бонфимга қарши октагонга кўтарилади.

ACBJJ билан имзоланган шартнома Муҳаммадга MMA фаолияти билан бир қаторда грэпплинг ва жиу-житсу мусобақаларида ҳам қатнашиш имконини беради.