22 июл 12:57
Янгиликлар

Бокс/ММА

Руис Луис Ортисни мағлуб этганидан сўнг ким билан жанг қилмоқчилигини айтди

Теглар : Энди Руис

Супероғир вазн тоифасида собиқ жаҳон чемпиони Энди Руис украиналик Александр Усик ва британиялик Энтони Жошуа ўртасидаги реванш жанги ҳақидаги фикрлари билан ўртоқлашди.

Мексикаликнинг фикрича, унинг собиқ рақиби украиналик боксчини мағлуб этиши мумкин экан.

"Энтони Усикни мағлуб эта олади. Супероғир вазнда ҳамма нарса бўлиши мумкин. Битта аниқ зарба ҳаммасини ҳал этади. Менимча, бу ким кўпроқ оч эканлигига боғлиқ. Жошуа доим ўрнидан турган, лекин ютқазди. Аммо, ғалаба қозониш учун яна жанг қилди. Усик ҳам кучли жангчи. Унинг жанг услуби ажойиб", — деди Руис.

Шу билан бирга Руис Усик билан жанг қилиш истаги борлигини айтди.

"4 сентябрь куни Луис Ортисни мағлуб этаман. Агар Уайлдер билан жанг ташкил қила олмасак, унда кейинги нишон Усик бўлиши мумкин", — дея қўшимча қилди Руис Fight Hub Tv каналига берган интервьюсида.

Эслатиб ўтамиз, Усик ва Жошуа ўртасидаги реванш жанги 20 август куни Жидда шаҳридаги Super Dome аренада бўлиб ўтади.

Ҳавола :

Манба : isport

Рейтинг: