26 окт 16:10
Янгиликлар

Сув спорти турлари

Синхрон сузиш бўйича 2024 йилги Жаҳон чемпионати мезбонлари маълум бўлди

Синхрон сузиш бўйича 2024 йилги жаҳон чемпионати серияси тўртта турнирни ўз ичига олади.

Янги мавсумда қайси шаҳарлар ушбу мусобақаларга мезбонлик қилиши маълум бўлди.

Унга кўра, 2024 йилнинг 5-7 апрель кунлари Хитой пойтахти бўлмиш Пекин шаҳрида синхрон сузиш бўйича жаҳон кубогининг саккизинчи мавсуми старт олади.

Шундан сўнг, мундиалнинг кейинги босқичидан ўрин олган беллашувлар 3-5 май кунлари Париж шаҳрида (Франция), 31 май-2 июнь кунлари Маркхам шаҳрида (Канада) ташкил этилади.

Супер финал мусобақалари эса июль ойида Будапешт шаҳрида (Венгрия) ўтказилади.

Эслатиб ўтамиз, синхрон сузиш бўйича аёллар терма жамоамиз Ханчжоу-2022 Осиё ўйинларида иштирок этиб, 10 та терма жамоа орасида олтинчи натижани қайд этган эди.