Абдумалик Халоков жанг олдидан мураббийи қандай вазифа қўйганини айтди

Ҳамюртимиз 1/8 финалда Швеция вакили Небил Ибраҳимни 5:0 ҳисобида мағлубиятга учратди. Ушбу жангдан сўнг боксчимиз ўз фикрларини билдириб ўтди.

"Биринчи жанг доим ҳаяжонли ўтади. Чунки бошлангунча ҳаяжон бўлади, бу барибир Олимпиада. 

Мураббийим Даврон ака жанг учун тактика қўйиб бердилар. Илк жангдаги вазифам - жароҳатларсиз, эҳтиёткорлик билан енгил ўтиб олиш эди. Ўйлайманки, ўша вазифани бажара олдим. 

"Борингни берма, ҳали бунга вақт бор" дегандилар устозим. Ўйлайманки, вазифани тўғри бажардим ва ғалаба қозондим.

Дуо қилиб туринглар, Ўзбекистонни олтин медаль билан хурсанд қиламиз. Нафақат халқимизни, бизга ишониб турган Президентимизни ҳам хурсанд қилиб, Янги Ўзбекистонни қандай кучга эга эканлигини кўрсатамиз", - деди Абдумалик Халоков. 

Абдумалик энди ярим финал йўлланмаси учун 3 август куни испаниялик Хосе Куилесга қарши рингга кўтарилади.