19 янв 11:20
Янгиликлар

Бокс/ММА

Абдумалик Ёрбўтаев Тошкентдаги PRIME FC турнирида "Маугли" билан жанг қилади (ПОСТЕР)

Пойтахтимиздаги "Ҳумо Арена" мажмуаси 30 январь куни қўлқопсиз жанглар бўйича PRIME FC турнирини қабул қилади.

Ўзбекистонлик аралаш яккакураш устаси Абдумалик Ёрбўтаев ҳам ушбу турнирда иштирок этади. "Абби"га турнир доирасида россиялик Магомедали "Маугли" Магомедов рақиб бўлади.

Абдумалик фаолияти давомида ММА қоидалари асосида 5 та жанг ўтказиб, 4 та ғалаба ва 1 та мағлубият қайд этган. 27 ёшли "Маугли" Магомедов ҳисобида эса 7 та ғалаба ва 5 та мағлубият бор.

Тошкент мезбонлигидаги PRIME FC турнирининг марказий жанги ҳамюртимиз Бобур Қурбонов ҳамда россиялик UFC собиқ жангчиси Денис Тюлюлин ўртасида кечади.