09 сен 10:48
Янгиликлар

Теннис

Абдураимова Австрия турнири 1/4 финалида мағлуб этилди

Австриянинг Вена шаҳрида ўтказилаётган теннис бўйича W 60 тоифасига кирувчи турнир ўз якуни сари яқинлашмоқда.

Ушбу мусобақада мамлакатимизнинг биринчи ракеткаси Нигина Абдураимова ҳам муваффақиятли иштирок этаётганди. Афсуски, турнирда учинчи рақам остида таснифланган теннисчимиз 2 соату 35 дақиқа давом этган 1/4 финалда руминиялик Мирьям Булгаруга 4/6, 6/4, 4/6 ҳисобларида ютқазиб қўйди.

Таққослаш учун, Нигина Абдураимова жаҳон рейтингида 194, Булгару эса 219-ўринни эгаллаб турибди. Бугун Булгару финал чиптаси учун WTA рейтингида 444-поғонада бораётган словениялик Полона Херцогга қарши кортга чиқади.