11 июл 12:24
Янгиликлар
Теннис
Абдураимова Кюжингдаги турнирда, илк рақиба маълум
Бугун Хитойнинг Кюжинг шаҳрида теннис бўйича соврин жамғармаси 25 минг доллардан иборат бўлган Ай-Ти-Эф тоифасидаги турнирнинг асосий тўр баҳслари старт олди.
Ушбу
мусобақада ҳамюртимиз Нигина Абдураимова ҳам иштирок этади. Мамлакатимизнинг
биринчи рақамли теннисчиси турнирда иккинчи рақам остидан таснифланган.
Хитойлик Фангжоу Лиу биринчи ракетка сифатида ҳаракат қилади.
Қуръа натижасига кўра вакиламиз яккаликнинг илк босқичда таиландлик Нича Лертпитаксинчайга қарши кортга чиқади. Агар Нигина Ничанинг тўсиғидан муваффақиятли ўтиб олса, иккинчи даврада хитойлик Ди Жао билан тўқнаш келади. Бу теннисчи бугун ватандоши Юки Шенгдан 7:6(5), 6:1 ҳисобида устун келди.
Эслатиб
ўтамиз, Нигина Абдураимова ўтган ҳафта Хитойнинг Юкси шаҳрида ўтказилган
турнирда ҳам иккинчи рақамли теннисчи мақомида ўйнаб, ярим финал остонасида
юришини тўхтатган эди.
Ҳавола :
Манба : olamsport.com
Фикрлар