11 сен 10:59
Янгиликлар

Теннис

Абдураимова Ле-Нёбурда дунёнинг 1093-ракеткасига ютқазди

Франциянинг Нормандия ўлкаси Ле-Нёбур шаҳрида теннис бўйича W75 тоифасига кирувчи турнир бўлиб ўтмоқда.

Мукофот жамғармаси 75 минг долларни ташкил этувчи мусобақада Нигина Абдураимова ҳам ўз маҳоратини намойиш этди. Афсуски, мамлакатимизнинг биринчи ракеткаси илк даврадаёқ мезбонлар вакиласи Паулине Пайега имкониятни бой бериб қўйди. Биринчи сетни тай-брекда 7/6(1) ўз фойдасига ҳал қилган ҳамюртимиз кейинги сетларда ютқазди - 4/6, 4/6.

Таққослаш учун, Нигина Абдураимова WTA рейтингида 299, Пайе 1093-поғонадан жой олган. Учрашув роппа-роса 2 соату 30 дақиқа давом этган.