19 июл 08:43
Янгиликлар

Теннис

Абдураимова Палермо WTA турнири яккалигида мағлуб бўлди

Италиянинг Палермо шаҳрида теннис бўйича WTA 250 тоифасига кирувчи турнир давом этмоқда.

Ушбу мусобақада Нигина Абдураимованинг ҳам иштирок этаётгани ҳақида хабар берган эдик. Ҳамюртимиз ўз иштирокини жуфтлик баҳсларидан бошлаб, россиялик Софья Лансере билан бирга 1/4 финалга йўл олган эди.

Афсуски, мамлакатимизнинг биринчи ракеткаси яккалик мусобақасининг илк даврасида асосий тўрга саралаш баҳслари орқали етиб келган россиялик Татьяна Прозоровага 3/6, 4/6 ҳисобларида имкониятни бой бериб қўйди.

Таққослаш учун, Абдураимова WTA рейтингида 177, Прозорова эса 236-ўринни эгаллаб турибди. Бир соату 38 дақиқа давом этган учрашувда Нигина 3, Танья эса 1 та эйс зарбасини амалга оширган. Бу теннисчиларнинг ўзаро ўтказган иккинчи учрашуви эди - 1:1. Ўтган йили Қозоғистонда ўтган турнирда Абдураимованинг қўли баланд келганди.