17 июл 09:43
Янгиликлар

Теннис

Абдураимова рейтингда ўзидан 202 поғона қуйидаги теннисчига ютқазди

Буюк Британиянинг Ноттингем шаҳрида теннис бўйича W50 тоифасига кирувчи турнир давом этмоқда.

Ушбу турнирда Ўзбекистоннинг биринчи ракеткаси Нигина Абдураимова ҳам ўз омадини синаб кўрди. Ҳамюртимиз мусобақада олтинчи рақам остида таснифланганига қарамай, илк даврадаёқ турнирдаги иштирокини якунлади. Нигина бельгиялик Клара Влассельярга 6/7(4), 6/1, 6/7(7) ҳисобларида имкониятни бой берди.

Таққослаш учун, Нигина Абдураимова айни пайтда WTA рейтингида 295, Клара Влассельяр эса 497-ўринни эгаллаб турибди. Теннисчиларнинг ўзаро илк учрашуви 2 соату 33 дақиқа давом этган. Абдураимова кетма-кет олтинчи учрашувида ҳам мағлубиятга учради. У сўнгги бор 24 апрель куни ғалаба қозонган эди.