21 сен 07:44
Янгиликлар

Теннис

Абдураимова рейтингда ўзидан 70 поғона юқоридаги теннисчига қарши баҳсда камбэк қилди

Португалиянинг Лейрия округи Калдаш-да-Раинья шаҳрида теннис бўйича W60 тоифасига кирувчи турнир бўлиб ўтмоқда.

Мусобақада ҳамюртимиз Нигина Абдураимованинг ҳам иштирок этиши ҳақида хабар берган эдик. У кеча илк давра учрашувида швейцариялик 18 ёшли Селин Наефга қарши кортга чиқиб, 1/6, 6/3, 6/3 ҳисобларидаги иродали ғалабага эришди.

Селин WTA рейтингида Нигинадан 70 поғона юқорида жойлашган эди. Нимчорак финалга йўл олган Абдураимова бугун венгриялик Тимеа Бабошга қарши кортга чиқади. Учрашув Тошкент вақти билан соат 14:00 да старт олади.

Таққослаш учун, Нигина Абдураимова дунё рейтингида 195, Тимеа Бабош эса 187-ўринни эгаллаб турибди. Бабош "Спортчилар ижтимоий тармоқда" саҳифасидаги чиқишлари билан сизларга яхши таниш.