Adelaide International. Паула Бадоса "пишди"

Дунёнинг 12-ракеткаси Паула Бадоса кутилмаганда иккинчи даврадаёқ мағлубият аламини тотиб кўрди. Испаниялик теннис маликаси WTA рейтингида 54-поғонада бораётган америкалик Эшлин Крюгерга қийин кечган учрашувда уч сет натижасига кўра имкониятни бой бериб қўйди - 6/7(4), 7/6(4), 2/6.

Эшлин бу ғалабаси эвазига теннисчиларнинг ўзаро учрашувларидаги ҳисоб мувозанатини тиклаб қўйди - 1:1. Икки соату 31 дақиқа давом этган баҳсда Бадоса 4, Крюгер 5 та эйс зарбасини амалга оширган. Энди у Adelaide International турнирининг 1/4 финалида ватандоши Жессика Пегулага қарши кортга чиқади.