29 окт 08:20
Янгиликлар

Кураш

Африка қитъаси спорт мутахассислари курашни ўрганмоқда

Миллий спортимиз курашнинг халқаро ривожини таъминлаш, унинг оммавийлигини дунё бўйлаб кенг тарғиб этиш мақсадида Африка қитъасидаги кураш мутахассислари учун бир ойлик интенсив онлайн машғулотлар ташкил этилди.

Ўқув машғулотларининг якуний жараёнлари Ўзбекистон давлат жисмоний тарбия ва спорт университети кураш залида ўтказилди.

Африка кураш иттифоқи ҳакам ва мураббийларининг малакасини ошириш, ушбу соҳага кўплаб ёш ва иқтидорли мутахассисларни жалб этиш, ўзбек курашининг Африка қитъасидаги қамровини кенгайтиришга қаратилган ўқув курсида 40 дан ортиқ спорт мутахассислари иштирок этди.

Тажрибали кураш мутахассислари, мураббийлар томонидан бир ой давомида курашнинг техникаси ва тактикаси, ўзбекона иборалардан ташкил топган баҳолаш мезонлари, 7 та кураш усулини жамлаган ҳаракатлар ҳолати ўргатилди.