"Африкада биз кўчада жанг қиламиз, онам эса кийимларимни яшириб қўярди". Олимпиадада Шокинни мағлуб эта олган спортчи билан ИНТЕРВЬЮ

+80кг вазн тоифасида даянга чиқадиган Иссуфу 2016 йил Риода ўтган олимпия ўйинларида кумуш медалга сазовор бўлганди. 

"Мен Токиода Нигер давлати халқи учун олтин медални ютмоқчиман. Ҳар куни уч маҳал машғулот ўтказяпман, ўзимни аямаяпман. "Қариганда қийналмаслик учун, ёшликда қийналиш керак" деган мақолга амал қиляпман. Африкада биз кўчада жанг қиламиз. Сен энг кучлиси бўлишинг керак. Бироқ мен болаларга кўчада эмас, даянда жанг қилиш керак деб айтаман. 

Қариндошим айнан шу спорт билан шуғулланаётганда эҳтиётсизлик туфайли вафот этган. Шундан кейин ўз пулимга сотиб олган таэквондо кийимини онам яшириб қўйган. 2011 йилда мени терма жамоага қабул қилишганини эшитгач бироз юмшаган. Ўсмирлик чоғимда ота-онам вафот этишган. 2016 йил Риода кумуш медални қабул қилиб олганимда ота-онам ҳақида ўйлагандим. Улардан доим миннатдорман", - дейди Абдул Раззоқ Иссуфу Agence France-Presse нашрига. 

Маълумот учун, Нигер давлати 1964 йилдан буён ёзги олимпия ўйинларида иштирок этиб келади. Ҳозирга қадар ушбу мамлакат спортчилари жами 2та медални қўлга киритишган: 1972 йил боксчи Иссака Даборг бронза, 2016 йил таэквондочи Иссуфу кумуш медаль.