Афруза FIDE рейтингида 14-ўринда, Умида эса 51 поғона пастлади

Жумладан, 20 ёшгача бўлган шахматчи қизлар рейтинги ҳам янгиланди. Январь ойи учун мўлжалланган Топ-100 рейтингидан ўтган ойда бўлгани сингари 2 нафар ўзбекистонлик шахматчи қизлар жой олишди. Фақат фарқи шундаки, улар декабрь ойи рейтингида Топ-30`таликка киришганди. 

Афруза Ҳамдамова (2327) ўтган ой билан таққослаганда, бир поғона юқорилаб, 14-ўринни эгаллаб турибди. 14 ёшли шахматчи қизимиз декабрь ойида Италияда бўлиб ўтган ёшлар ўртасидаги жаҳон биринчилигида мамлакатимиз тарихида илк бор жаҳон чемпиони деган унвонга сазовор бўлганди. 

Яна бир истеъдодли шахматчимиз Умида Омонова (2124) эса 79-поғонага тушиб кетди. У ўтган ойда 2257 пункт балл билан рейтингнинг 28-поғонасидан жой олган эди. 

Йигирма ёшгача бўлган шахматчи қизлар рейтингида Бибисара Ассаубаева (Қозоғистон, 2472) пешқадамликни сақлаб қолди. Ҳиндистонлик Сараю Велпула (2444) иккинчи ўринни эгаллаган бўлса, россиялик Лея Гарифуллина (2422) учинчи ўринга кўтарилиб олди. У ўтган ой рейтингида 4-ўринда қайд этилганди. 

FIDE 20 ёшгача шахматчи қизлар рейтинги (Топ-10):

1. Бибисара Ассаубаева (Қозоғистон, 2472)

2. Сараю Велпула (Ҳиндистон, 2444)

3. Лея Гарифуллина (FIDE, 2422)

4. Дивия Дешмуҳ (Ҳиндистон, 2420)

5. Юксин Сонг (Хитой, 2405)

6. Меруерт Камалиденова (Қозоғистон, 2381)

7. Элин Ройберс (Нидерландия, 2381)

8. Алисе Ли (АҚШ, 2379)

9. Шри Савитҳа (Ҳиндистон, 2363)

10. Йи Нинг Чен (Хитой, 2363)

Ўзбек шахматчиларининг рейтингдаги ўрни:

14. Афруза Ҳамдамова (2327)

79. Умида Омонова (2124)