Афсонавий "Ниппон Будокан" арена дзюдо баҳсларига шай + ФОТО

Хабар берганимиздек, ҳар куни Тошкент вақти билан соат 07:00да саралаш, 13:00да финал беллашувлари старт олади. Соат 15:30да эса ўз вазн тоифаларида ғолиб ва совриндорлар сафидан жой олган дзюдчиларни тантанали тақдирлаш маросими ўтказилади. 

Бу сафарги олимпия ўйинларида аввалгидек мартабали шахслар эмас, шохсупага кўтарилган дзюдочиларнинг ўзлари медалларни ўз бўйинларига тақишади. Хавфсизлик нуқтаи назаридан шундай қарорга келинган. Бу қоида барча спорт турларида амал қилади.

Маълумот учун, Олимпиаданинг дзюдо мусобақасида 5 қитъанинг 128 давлатидан жами 393 (201 эркак, 192 аёл) нафар атлет тўрт йилликнинг энг нуфузли мусобақаси медаллари учун афсонавий "Ниппон Будокан" аренада татамига чиқади. Юртимиз шарафини тарихда илк бор 10 (7 эркак, 3 аёл) нафар дзюдочимиз ҳимоя қилади. Беллашувлар 2 та татамида ўтказилади.