АГМК ўз олдига чемпионликни мақсад қилиб қўйган

Биз ушбу клубнинг машғулот жараёнини кузатдик ҳамда бош мураббийдан интервью олишга муяссар бўлдик. Клубнинг бош мураббийи Азиз Тешабаевнинг айтишича, “Энг аввало, йиғин доирасида волейболчиларнинг жисмоний ҳолатини текшириб олиш зарур. Негаки йигитларимиз таътилдан қай ҳолатда қайтганлигини билмаймиз. Шу сабабли бор эътиборни волейболчиларимизнинг жисмоний тайёргарлигини текшириб олишга қаратдик. Шундан сўнг улар билан техник ва тактик элемантлар устида иш олиб боряпмиз.

Айни вақтда, ўйинчиларимизнинг руҳий ҳолатини бемалол аъло даражада дея оламан. Бошқа жамоаларга ҳурматни сақлаган ҳолда, бу йилги чемпионат баҳсларида клубимиз билан 1-ўринни эгаллашни бош мақсад қилганмиз”.

Маълумот ўрнида, волейбол бўйича ХХVIII Ўзбекистон Чемпионати учрашувлари 21 февраль куни бошланади.

Илёсбек Махмудов. ЎзЖОКУ талабаси