04 окт 10:52
Янгиликлар

Волейбол

АГМК волейболчилари клублар ўртасидаги Осиё чемпионатида қатнашиш учун Таиландга жўнаб кетди

Шу йилнинг 8-15-октабр кунлари Таиланднинг Нахон Ратчасима шаҳрида волейбол бўйича эркаклар жамоалари ўртасида Осиё чемпионати ўтказилади.

Унда Ўзбекистон чемпиони сифатида Олмалиқ тоғ-металлургия комбинатининг АГМК жамоаси Ватанимиз шарафини ҳимоя қилади.

Вакилларимиз клублар ўртасидаги қитъа чемпионатига Туркия орқали 13 нафар спортчи, уч нафар мураббийлар штаби вакиллари ҳамда делегация раҳбари бошчилигида жўнаб кетишди.

Мусобақада жами 10та клуб икки гуруҳга бўлинган ҳолда баҳс олиб боришади. АГМК жамоаси «Б» гуруҳида Эроннинг «Сиржан Фулад», Қатар чемпиони «Ал-Араби», Таиланднинг «Даймонд» ҳамда Филиппин вакили «Ребиско Филиппинес» клублари билан ўзаро мусобақалашади.

«А» гуруҳидан эса «СEБ Спортс Клуб» (Шри-Ланка), «Буревестник» (Қозоғистон), «Казма Спорт Клуб» (Қувайт), «Соутҳ Гас Клуб» (Ироқ) ҳамда «Нахон Ратчасима» (Таиланд) жамоалари ўрин олган.

Бўлажак ўйинларда вакилларимизга омад тилаймиз.