Ажойиб! "Ҳумо" яна бир ўзбекистонлик ёш хоккейчини таркибга қўшиб олди!

"Қанотлилар" дарвзоабон Рустам Иргашев билан шартнома имзоланганини маълум қилишди.

Рустам Иргашев 2007 йил 31 январь куни Тошкентда туғилган. У Тошкентнинг "Бинокор" жамоаси тарбияланувчиси ҳисобланади. Сўнгги икки мавсумни "Ташкент Селект" жамоасида ўтказган. Рустам "Бинокор" сафида 2023 йилги Ўзбекистон чемпионатининг кумуш медалларини қўлга киритган. 

Шунингдек, у жорий йилги мавсумда Ўзбекистон U-18 терма жамоаси билан биргаликда Осиё ва Океания чемпионатида ғолиб бўлган. Иргашев "Ҳумо" сафида 40-рақам остида ҳаракат қилади.

Маълумот ўрнида, айни пайтда "Ҳумо" сафидаги ўзбекистонлик хоккейчилар сони 4 нафарни ташкил этмоқда:: Жавоҳир Расулов, Даниэль Коган, Жасур Рустамхонов ва Рустам Иргашев.