22 апр 18:10
Янгиликлар
Гимнастика, Париж-2024
Ажойиб! Париж-2024 учун яна бир лицензия нақд қилинди
Халқаро гимнастика федерацияси спорт гимнастикаси бўйича Париж-2024 ёзги Олимпия ўйинларига йўлланма олган атлетлар жадвалини янгилади.
Қувонарлиси, унга асосан делегациямиз ҳисобига яна бир лицензлия қўшилди.
2023-йил Белгиянинг Антверпен шаҳрида ўтган жаҳон чемпионатининг кўпкураш дастурида муваффақиятли иштирок этган Ҳабибулло Эргашев ҳам бўлажак Олимпиада иштирокчилари қаторига қўшилди. Саралаш мусобақалари якунида франсиялик атлет ҳам квалификациядан ўтди. Шу боис, мезбонлар учун ажратилган квота жаҳон чемпионати орқали йўлланма ололмаган спортчилар орасида энг яхши натижа кўрсатиб турган Ҳабибулло Эргашевга насиб этди.
Шу тариқа, йигитларимиз спорт гимнастикаси бўйича илк бор Олимпия ўйинларига иккита йўлланмани қўлга киритишмоқда.
Ҳавола :
Манба : olympic.uz
Фикрлар