17 янв 07:45
Янгиликлар

Бокс/ММА

Акбар Исломбоев кейинги жангини Абу-Дабида ўтказади, рақиб ҳам маълум

Ярим енгил вазн тоифасида фаолият олиб борувчи ўзбекистонлик аралаш яккакураш устаси Акбар Исломбоевнинг навбатдаги жанги тафсилотлари аниқ бўлди.

26 яшар ҳамюртимиз 31 январь куни Бирлашган Араб Амирликлари пойтахти Абу-Даби шаҳри мезбонлик қиладиган UAE Warriors 67 турнирида иштирок этади. Унга ўша куни Озарбайжон вакили Али Гулиев рақиблик қилади.

Жанг мусобақанинг co main event (иккинчи асосий беллашуви) мақомида ўтади.

Маълумот учун, Акбар Исломбоев сўнгги жангини ўтган йилнинг октябрь ойида АҚШдаги LFA 219 турнири доирасида австралиялик Исаак Томпсонга қарши ўтказиб, очколар ҳисобига кўра имкониятни бой берганди. Унинг ҳисобида жами 10 та ғалаба ва 2 та мағлубият бор. Акбар билан тенгдош Али Гулиев эса фаолияти давомида 9 та жанг ўтказиб, 8 та ғалаба ва 1 та мағлубият қайд этган.