17 окт 16:58
Янгиликлар

Бокс/ММА

Алекс Перейра MMAдан кетгач, қайси спорт турида шуғулланишини айтди

Ярим оғир вазн тоифасида амалдаги UFC чемпиони Алекс Перейра аралаш яккакурашлардаги фаолиятини якунлаганидан кейинги режалари билан ўртоқлашди.

Бразилиялик аралаш яккакураш устаси ММАдан кейин боксга ўтишни режалаштираётганини тасдиқлади. Айни дамда Перейра 38 ёшда.

"Мен аниқ боксга ўтмоқчиман. Боксда жанг қилмоқчи эканлигимни аниқ айтдим. Мен кикбоксинг билан шуғулланишни бошлаганимда кўпчилик менга ишонмаган. ММАда ҳам худди шундай. Боксда ҳам шундай дейишади. Мен бунга ўрганиб қолганман. Менга барибир. Шунчаки чиқиб, муштлашмоқчиман. Бу фақат пул учун эмас. Менга чақирув ёқади. Мен энг яхши бўлишни хоҳлайман", - деди Перейра YouTube’даги Podcast Connect Cast каналида.