Алекс Перейра UFC билан можаро бўлганини тан олди

Бразилиялик спортчининг сўзларига кўра, у ўзининг чемпионлик имкониятини собиқ чемпион Иржи Прохазкага беришлари мумкинлиги ҳақидаги миш-мишларга жавоб қайтарган. Аммо у тезда бу хабарга ишонганидан афсусланган, чунки вазият ҳақида тўлиқ маълумотга эга бўлмаган.

"Бироз тушунмовчилик бўлди. Чунки ҳаммасини ижтимоий тармоқдан билдим ва жаҳлим чиқиб, ўша хабарни ёздим. Кейин эса афсусландим. Хато қилдим, чунки музокаралар ва жараён қайси босқичда эканини билмасдим. Бу лагер, менежмент ва UFC ўртасидаги тушунмовчилик натижаси бўлди. Бу UFCнинг айби эмас", — деди бразилиялик Ариэль Хельванига берган интервьюсида.

"У шошма-шошарлик билан иш қилди. Менежеримиз билан маслаҳатлашмасдан ва Хантер Кэмпбеллдан вазиятни сўрамасдан шошиб қолди. Фақат интернетдан кўриб, ўзини хафа ҳис қилди. Чунки унга навбатдаги чемпионлик жанги ваъда қилинган эди, у эса бошқача хабар кўрди. Аммо охир-оқибат барибир ҳаммаси ойдинлашди", — деди унинг мураббийи Плинио Круз.