Алькараз амалдаги чемпионни мағлуб этиб, ярим финалга чиқди. Кейинги тўсиқ - Надаль!

Жаҳоннинг 19-ракеткаси испаниялик Карлос Алькараз АТР рейтингида 12-ўринни эгаллаб турган британиялик Кэмерон Норрига қарши кортга чиқди. 1 соату 40 дақиқа давом этган учрашувда 18 ёшли Алькараз турнирнинг амалдаги чемпионини 6/4, 6/3 ҳисобида мағлуб этиб, мусобақадан чиқариб юборди.

Рафаэль Надальнинг издоши дея қаралаётган испаниялик ёш истеъдодли тенничи ярим финалда айнан Надальга қарши баҳс олиб боради. Бугун Рафа Киргиосни мағлуб этиб, ярим финал чиптасини қўлга киритди. Яна бир аҳамиятли жиҳати, Надаль ва Алькараз Индиан-Уэллс турнири бошланишидан аввал бирга машғулот ўтказиб, турнирга тайёргарликни биргаликда олиб боришганди. Бундан аввал теннисчилар ўзаро бир марта тўқнаш келишган. Ўшанда Madrid Open турнирининг 2-давраси доирасида бўлиб ўтган баҳс Надальнинг ғалабаси билан якунланганди. 

Надаль ва Алькараз ўртасидаги учрашув 20 март куни Тошкент вақти билан тунги 00:00 да бошланади.