Алькараз Циципаcни "Мастерс" турниридан чиқариб юборди

Унда жаҳоннинг 5-ракеткаси,  23 ёшли грециялик Стефанос Циципас ва АТР рейтингида 16-ўринни эгаллаб турган 18 ёшли испаниялик Карлос Алькараз (16-рақамли) чорак финал чиптаси учун баҳс олиб боришди.

Алькараз 1 соату 52 дақиқа давом этган учрашувда Циципасни 7/5, 6/3 ҳисобида мағлуб этиб, чорак финал иштирокчисига айланди. 

Ўйиндан сўнг Карлос учрашув ҳақидаги фикрлари билан ўртоқлашди:

“Бу жуда ҳам қийин бўлди. У ақл бовар қилмайдиган кучли ўйин намойиш этди. Аммо ғалаба қозониш учун охиргича курашдим. Ўйин давомида унинг тактикасини ўрганишга ва унга қарши ҳаракат қилишга ҳаракат қилдим ва бу менга ёрдам берди", - дея Карлоснинг сўзларини келтиради АТР матбуот хизмати.

Чорак финалда Алькараз АТР рейтингида 48-ўринни эгаллаб турган сербиялик Миомир Кеcмановичга қарши баҳс олиб боради.