02 апр 09:37
Янгиликлар

Теннис

Алькараз Майами "Мастерс"ининг энг ёш учинчи ярим финалчисига айланди

Испаниялик Карлос Алькараз Майамидаги "Мастерс" турнирининг чорак финалида Миомир Кечмановичдан устун келди – 6/7, 6/3, 7/6.

Айни вақтда 18 ёшу 11 ойлик бўлган Алькараз Майами "Мастерс"ининг энг ёш ярим финалчилари рўйхатида учинчи ўринни эгаллаб турибди. Ундан Рафаэль Надаль (2005 йилда у 18 ёшу 10 ойлигида 1/2 финалга чиққан) ва Феликс Оже (2019 йилда 18 ёшу 8 ойлигида 1/2 финалга чиққан) олдинда.

Бундан ташқари, Алькараз Американинг икки "Мастерс" турнири Индиан-Уэллс ва Майами турнирида ярим финалга чиққан энг ёш теннисчига айланди. Фақатгина у 18 ёшида бундай муваффақиятга эришди. Надаль, Новак Жокович, Энди Маррей ва Андре Агасси 19 ёшида буни уддалашган.

Финал йўлланмаси учун Алькараз амалдаги чемпион Хуберт Хуркачга қарши баҳс олиб боради.