02 апр 18:18
Янгиликлар

Теннис

Алькараз Надалдан кейин Майами "Мастерс"ининг иккинчи энг ёш финалчисига айланди

18 ёшли испаниялик Карлос Алькараз Майамидаги "Мастерс" мусобақасининг энг ёш финалчилари рўйхатида иккинчи бўлди.

Ҳозир у 18 ёшу 11 ойлик (18 ёш 333 кун). Бу кўрсаткич бўйича етакчи ўз ҳамюрти Рафаэль Надаль бўлиб, у 2005 йилда, 18 ёшу 10 ойлигида (18 ёш 304 кун) ҳал қилувчи босқичга чиққан. Ушбу кўрсаткич бўйича учинчи ўринда италиялик Янник Синнер турибди, ўша вақтда у 19 ёшу 8 ойлик эди.

Бундан ташқари, Карлос энг ёш "Мастерс" финалчилари рейтингида бешинчи ўринни эгаллади.

Эслатиб ўтамиз, эртага Алькараз чемпионлик учун норвегиялик Каспер Руудга қарши баҳс олиб боради.