28 май 10:54
Янгиликлар

Теннис

Алькараз "Ролан Гаррос" соврини сари юришини давом эттиряпти

Франция пойтахти Париж шаҳрида "Катта Дубулға" туркумига кирувчи "Ролан Гаррос" турнири давом этмоқда.

Дунёнинг олтинчи ракеткаси Карлос Алькараз Франция Очиқ чемпионатининг 1/16 финалида ATP рейтингида 30-ўринни эгаллаб турган америкалик Себастьян Кордани мағлубиятга учратди - 6/4, 6/4, 6/2.

Икки соату 9 дақиқа давом этган баҳсда испаниялик теннисчи 1 та эйс, 4 та брейкни амалга ошириб, 1 та қўшхатога йўл қўйди. Тўққизта эйс зарбаси ҳам америкаликка ёрдам бера олмади. Теннисчиларнинг ўзаро учрашувларида Алькараз ҳисобда олдинга чиқиб олди - 2:1.