Амалдаги US Open чемпиони унвонини ҳимоя қилмайди

"Ҳурматли мухлислар, яқинларим билан узоқ давом этган маслаҳатлашувлардан кейин Нью-Йоркка бормасликка қарор қилдим. Юқори спорт формасида қайтишим учун ҳали бироз вақт керак. US Open турниридаги чемпионлик ҳаётим мазмунига айланган. 

Афсуски, чемпионлик ҳимояси амалга ошмайдиган бўлди. Бунга қайсидир маънода коронавирус пандемияси ҳам сабаб бўлди, дейиш мумкин. Коронавирус туфайли керакли даражада машғулот ўтказа олмадим. Барчадан узр сўрайман", - дея Андреескунинг сўзларини келтирмоқда турнир матбуот хизмати.

Эслатиб ўтамиз, аввалроқ АҚШ Очиқ чемпионатининг эркаклар ўртасидаги турнири чемпиони Рафаэль Надаль ҳам мусобақага келмаслигини маълум қилган эди.