23 авг 12:15
Янгиликлар

Велоспорт

Америкалик мураббий Глеб Гройсманнинг Ўзбекистон МТЖдаги фаолияти якунланди

Кеча Ўзбекистон велосипед спорти федерациясида терма жамоалар мураббийлар штаблари, вилоят бўлимлари ҳамда федерация раҳбарияти иштирокида якунланган ва бўлажак мусобақалар олдидан учрашув ташкил этилди.

Унда Ўзбекистон эркаклар терма жамоаси бош мураббийи Володимир Старчик ҳамда аёллар терма жамоаси бош мураббийи Глеб Гройсманнинг ортда қолган мусобақалар юзасидан хисоботлари тингланди.

Учрашувнинг асосий қисмида кейинги мавсум учун режалар, Тошкент-2025 ёшлар ўртасидаги Осиё ўйинлари, Нагоя-2026 ХХ Осиё ўйинлари ва Лос-Анжелес-2028 Олимпиадасига тайёргарлик бўйича махсус режа-дастурлари ишлаб чиқиш муҳокама этилди.

Тадбир якунида раҳбарият вакиллари шартома муддати якунига етган аёллар терма жамоаси бош мураббийси — хорижий мутахассис Глеб Гройсманга келгуси фаолиятида омад тилашди ва унга эсдалик совғаларини топширишди.