“Амирсой” тоғ-чанғи курорти яна бир йирик мусобақага мезбонлик қилди

Мусобақага Бўстонлиқ туманида жойлашган “Амирсой” тоғ-чанғи курорти мезбонлик қилди.

Мусобақа Президентимизнинг 2020 йил 4 февралдаги “Қишки спорт турларини ривожлантириш чора-тадбирлари тўғрисида”ги қарори ижросини таъминлаш мақсадида Жисмоний тарбия ва спорт вазирлиги, Ўзбекистон чанғи спорти федерацияси томонидан ташкил этилди. Мамлакат чемпионатида ўсмирлар ва ёшлар тоғ-чанғисининг гигант слалом ва слалом йўналишларида ўзаро рақобатлашди.

Мусобақанинг асосий мақсади жойларда қишки спорт турлари бўйича мусобақаларни тизимли йўлга қўйиб, ёшлар орасидан иқтидорли спортчиларни танлаб олиш орқали терма жамоалар таркибини сифатли шакллантириш учун юқори малакали спортчилар захираси тайёрлашдан иборат.

Тадбирда Ўзбекистон Республикаси Бош вазири ўринбосари, Туризмни ривожлантириш давлат қўмитаси раиси А.Адуҳакимов иштирок этди.