25 июл 21:05
Янгиликлар
Камондан отиш, Париж-2024
Амирхон Содиқов: "Ҳар қандай рақибга тайёрман"
Камондан отиш бўйича Ўзбекистон терма жамоаси аъзоси Амирхон Содиқов Париж Олимпиадасидаги чиқишидан сўнг фикрлари билан ўртоқлашди.
Спортчи бугун яккалик дастуридаги саралашда иштирок этиб, 13-натижани қайд этган эди.
"Биринчи марта бўлгани учун жуда ҳам ҳаяжонли бўлди. Шундай бўлса-да, биз ўзимизнинг ҳаяжонимизни енгиб, мураббийларимизнинг кўрсатмаларини эшитиб, ҳаммасига амал қилдик. Бугун жуда ҳам қаттиқ шамол бўлди. Шу шамолда ҳам отишга ҳаракат қилиб, барча спортчилар ичида 13-ўринни олдим. Бу орқали микстда ҳам, яккалик баҳсларида ҳам рақибларимиз номини аниқлаб олдик. Ҳар қандай рақибга тайёрман", деди Содиқов.
Амирхоннинг яккалик дастурида 1/32 финал беллашуви 31 июль куни аргентиналик Марио Дамианга қарши бўлиб ўтади.
Ҳавола :
Манба : olamsport.com
Фикрлар