25 фев 15:02
Янгиликлар

Таэквондо

Амман шаҳри Токио-2020 Осиё қитъаси саралашига мезбонлик қилади

Теглар : Амман

Бутунжаҳон таэквондо федерацияси Токио-2020 Олимпиадаси учун Осиё қитъасининг саралаш турнири шу йилнинг май ойида Иордания пойтахти Амман шаҳрида ўтишини тасдиқлади.

Ушбу мусобақа коронавирус пандемияси сабаб бир неча бор қолдирилганди. Аввалига саралаш баҳслари Хитойнинг Уси шаҳрида ўтиши керак эди. 2020 йил февраль ойида ўтказилган онлайн овоз беришда Амман шаҳри мезбонликни қўлга киритганди.

Аммандаги саралаш мусобақаси 2021 йилнинг 14-15 май кунларига белгиланди. 16 май куни эса паратаэквондочилар Паралимпиада йўлланмаси учун даянга чиқишади.

Маълумот учун, ушбу саралаш мусобақасида Ўзбекистондан уч нафар таэквондочи (бир ўғил бола ва икки нафар қиз бола) иштирок эта олади. Мусобақа финалига чиққан спортчилар Токиодаги Олимпиадага йўлланма олишади. Ўзбекистонлик Никита Рафалович Олимпиада рейтинги асосида йўлланмани қўлга киритиб бўлган.

Эслатиб ўтамиз, Токиодаги ёзги Олимпиада баҳслари 2021 йилнинг 23 июлидан 8 августига қадар бўлиб ўтади.

Ўзбекистон таэквондо WT Ассоциацияси матбуот хизмати

Ҳавола :

Манба : t.me/uzbtaekwondowt

Рейтинг: