16 мар 04:23
Янгиликлар

Бокс/ММА

Умумжамоа ҳисобида биринчи бўлган ёш боксчиларимиз Осиё чемпионатидан қайтиб келишди + ФОТОГАЛЕРЕЯ

Хабар бериб ўтганимиздек, бокс бўйича Ўзбекистон ўсмирлар терма жамоаси ҳам, ёшлар терма жамоаси ҳам Амманда ўтказилган Осиё чемпионатида умумжамоа ҳисобида биринчи ўринни эгаллади.

Мусобақада қатнашган 49 нафар боксчимизнинг 46 нафари медаль қўлга киритганини алоҳида таъкидлаш лозим.

Чемпионатда иштирок этган боксчиларимиз бугун юртимизга қайтиб келишди. Улар Ислом Каримов номидаги Тошкент халқаро аэропортида тантанали равишда кутиб олинди.

Кутиб олиш маросимида Спортни ривожлантириш вазирининг биринчи ўринбосари Шаҳрилло Маҳмудов, Ўзбекистон бокс федерацияси мутасаддилари, спортчиларнинг яқинлари, мухлислар ва ОАВ вакиллари иштирок этишди.

Ўзбекистон бокс федерацияси матбуот хизмати