Телманов Junior Asian Cup 2025 ғолиби! Абдураззоқовда иккита медаль, Ҳимматов ҳам шоҳсупада

Дастлабки икки кун ўсмирлар ўртасида ғолиб ва совриндорлар аниқланганди. Кечадан ёшлар иштирокидаги Осиё Кубогига старт берилди. Ушбу ёш тоифасида уч нафар ўзбекистонлик дзюдочилар ҳам иштирок этди ва қувонарлиси, уларнинг бари шоҳсупага кўтарилди.   

Терма жамоамиз аъзоси Иноят Телманов -73 кг вазнда барча рақибларини енгиб, Amman Junior Asian Cup 2025 чемпионига айланди. У мусобақа давомида ливанлик Ботрус Тарабай, иорданиялик Ҳарун Экбариеҳ, яна бир мезбон спортчи Абдел Раҳмон Айялслман ва қувайтлик Фаҳад Ал Эназини мағлуб этди.   

Азизбек Ҳимматов -66 кг вазн тоифасида мусобақа бронза медалини қўлга киритди. У бронза медали йўлидаги ўтиш беллашувларида иорданиялик Адам Алталафа ва саудиялик Сауд Алзаҳранини таслим этди. Бронза медали учун кечган баҳсда эса 1/2 финалда енгилган IJF байроғи остидаги россиялик дзюдочи Билал Эзхаевни мағлубиятга учратди. 

Жамоамизга яна бир бронза медалини Камрон Абдураззоқов (-73 кг) тақдим этди. У икки кун аввал Иорданиядаги Осиё Кубогининг кадетлар ўртасида ўтказилган мусобақасида кумуш медалга сазовор бўлганди. Демак, у икки кун оралиғида битта шаҳарда ўтказилган мусобақада иккита медалга эга чиқди. Абдураззоқов бронза медали учун баҳсда ливанлик Ботрус Тарабайни енгди.